মৃত প্ৰেম

তেওঁ চিঙি লৈ গ'ল মোৰ হৃদয়ত

ফুলিবলৈ লোৱা ৰঙা গোলাপ পাহঁ

আগভেটি ধৰিব খোজা ঘন কোরলিৰ চায়াসনা

বাটচোঁরা নিৰৱতাত হাত বুলাই জোনাকে

প্ৰসাৰিত কৰিছিল ঘন ঘন আঙুলি..

এতিয়া...

ৰ'দবোৰ বিষাদ বিষাদ গোন্ধাইছে

দূপৰীয়াবোৰ হিংস্ৰ জন্ত্তৰ মাতেৰে

পাক খাই মোৰ হৃদয়ৰ খিৰিকীৰ মুখত ভিৰ কৰিছেহি

সিহঁতৰ সৈতে মই প্ৰাণ খুলি হাহিঁম..

হয়তো উচুপি উচুপি কান্দিম

চুম্বন কৰিম সিহঁতৰ মুখত থকা মৃত প্ৰেমৰ গোন্ধক...

সেমেকা বতাহ এজাকে মোৰ বুকুৰ ভিতৰখন কপাঁইছে

স্মৃতিৰ ধূলিত লুতুৰি মোৰ প্ৰেম

বতাহত বিলিন মোৰ শ্বাস প্ৰশ্বাসৰ আদিম বৰ্ণ

ওঠঁত ওঠঁ থৈ ইয়াতেই বাৰ্তালাপ কৰো মই

মৃত প্ৰেমৰ সৈতে......

..................গৌতম কলিতা................